BINYAG NG SI-KAT

Dahil nga sa nabuo na ang barkadahan pagkatapos ng matagumpay na English play production na Journey to the kingdom of the Sun, hindi rito tumigil ang si-kat. Dahil nga sa maganda ang naging resulta ng play ay mas dumami ang nagkainteres na sumali sa grupo. Kung dati rati ay ang Sports club ang s'yang may pinakamaraming nag aaplay na members, bigla namang bumuhos ang sa drama club. Noong panahong yun (1997 to 1998) ay wala pang pangalan ang grupo.

So, kelan nagkapangalan?

Dahil uso rin noon ang mga youth camps sa prelature of Infanta, nag organise ang grupo ng mga senior members ng isang theater arts camp at s'yempre ako ang pasimuno nito...hehehe. Ang pinakamatandang pasimuno. Nagkaroon kami ng overnight theater workshop ala bonding na rin sa tahanang nazareth sa Tongohin. Salamat kay Ta Glens na s'yang sumuporta sa amin para makuha namin ang lugar ng libre. Walang sponsor ito. Kanya kanyang baon, kanya kanyang gastos. Doon ko nakita na bumaha ng de lata sa dami ng pagkain na dala ng mga bagets. Di ko lubos maisip na sa dalawang araw namin ay puro de lata ang pagkain namin. May mga bayani noon na in charge sa pagkain at kaayusan ng lugar. Salamat sa mga senior members noon na batch '99.

Eto na. Gabi ang setting sa loob ng retreat house. Nag eemote ang ilan sa mga damuhong mga bata. Masaya ang karamihan dahil sa bagong tropa na nabuo. nag usap usap tungkol sa buhay buhay. Nagshare tungkol sa kanilang mga sarili. Kami kami ang facilitators at participants. Sariling kayod 'ika nga. At dahil nga buo na ang barkadahan, naisipan namin na pangalanan ang grupo. Kung ano ano ang mga naisip na pangalan. May nakakatawa , may corny, may super seryoso na parang mafia ang dating ng grupo. Finally, Miles Suaverdez came to the rescue. She named the group: SIBOL NG KABATAANG TEATRO at kapag pinaiksi mo ito ay si-kat (lightrays) hindi yung sikat na famous.

Natuwa ang marami at mula noon ay ito na nga ang naging binyag sa theater group ng Mt. Carmel.Salamat, Miles.

Were you there when it happened? Ano ang natatandaan mo pa? Feel free to add the missing details.

PAGBUO NG KASAYSAYAN: BALIK TANAW

Maraming taon na rin pala ang nakalipas. Taong 1998 ng magsimula ang si-kat (sibol ng kabataang teatro). Hindi ko kailanman ito malilimutan dahil higit sa pag usbong ng isang grupo, nakita ko na nabuo ang isang magandang samahan…ang pagkakaibigan at kapatiran.

Ang naging sinapupunan at magpahanggang ngayon ay tahanan ng si-kat ay ang Mt Carmel High School sa Infanta, Quezon na ngayon ay Mt. Carmel School of Infanta na. Syempre marami na ang nabago sa pag usad ng panahon pero buo pa rin ang si-kat at patuloy na lumalago. Nakakatuwang isipin na mula sa payak na simula, ito ngayon ay naging isang matibay na kabahagi ng kasaysayan ng paaralan ng Mt. Carmel. Bukod dito, ang si-kat ay naging bahagi rin ng buhay ng mga batang miyembro na nagpamalas ng angking talino sa teatro. Sa ngayon, ang si-kat ay isang instrumento sa paghubog hindi lamang ng talento at kamalayan ng mga mag-aaral sa Mt. Carmel kundi maging ng buong pagkatao nila.

Paano nga ba nagsimula ang lahat?

Samahan n’yo nga ako na alalahanin at magbalik tanaw sa nakaraan. Sa totoo lang, marami na rin akong nalimutan na mga pangyayari at nitong mga nakaraang taon ay medyo ‘off line’ ako sa mga latest na kaganapan sa si-kat. Saka hindi lang naman ako ang bumubuo ng si-kat, tayong lahat na miyembro ay bahagi ng kabuuan nito. Buuin natin ang mga pinagtagpi-tagping alaala natin. Balikan natin ang simula hanggang sa makarating tayo sa ngayon at sama sama uli tayo sa kung saan man na daang tatahakin ng paglalakbay ng si-kat.